उन्हाळ्यात पाण्याची टंचाई दूर करण्यासाठी सतर्कता बाळगा – आ.समाधान आवताडे

उन्हाळ्यात पाण्याची टंचाई दूर करण्यासाठी सतर्कता बाळगा – आ.समाधान आवताडे

आ.समाधान आवताडे यांनी दिल्या भिमा पाटबंधारे आणि नीरा भाटघर विभागाला सूचना..

पंढरपूर/ज्ञानप्रवाह न्यूज- उन्हाळा मोठ्या प्रमाणात जाणवत असून पाण्याची भीषण टंचाई निर्माण होण्याची शक्यता आहे. त्यामुळे पाणी टंचाई होणार नाही याची खबरदारी भिमा पाटबंधारे आणि निरा भाटघर विभागाने घेण्यासाठी योग्य त्या उपययोजना कराव्यात आशा सूचना पंढरपूर मंगळवेढा विधानसभा मतदारसंघाचे आमदार समाधान आवताडे यांनी दिल्या.

नुकतीच पंढरपूर येथील शासकीय विश्रामगृह येथे भीमा पाटबंधारे आणि निरा भाटघर विभागातील संबंधित सर्व अधिकार्‍यांसमवेत बैठक घेण्यात आली.यावेळी आमदार आवताडे यांनी संबंधित अधिकारी व कर्मचाऱ्यांना सूचना दिल्या आहेत.

माण नदीतील बंधारे पूर्ण क्षमतेने भरण्यात यावेत.ज्या शेतकऱ्यांना पाणी मिळाले नाही त्या शेतकऱ्यांना प्राधान्याने पाणी देण्यात यावे असेही सांगितले.

या बैठकीसाठी पंढरपूर मंगळवेढा मतदार संघातील गावाचे प्रमुख कार्यकर्ते बैठकीसाठी बोलावण्यात आले होते.या बैठकीमध्ये उपस्थित कार्यकर्त्यांनी आपापल्या भागातील पाणी प्रश्न संदर्भात प्रश्न उपस्थित केले. त्या प्रश्नावर आमदार समाधान आवताडे यांनी अधिकाऱ्यांना त्या समस्या सोडविण्याबाबत सूचना केल्या.

वाखरी आणि गादेगाव या ग्रामपंचायतीच्या पाणीपुरवठा करणाऱ्या विहिरी ओढ्याच्या काठावर असल्यामुळे त्या ओढ्यामध्ये पाणी सोडण्यात यावे.उंबरगाव,बोहाळी,कोर्टी ओढ्यासह जांभूळबेट ओढ्यालाही पाणी सोडून देण्याची सूचनाही आमदार आवताडे यांनी यावेळी केली.

ज्या शेतकऱ्यांना पाणी मिळण्यासाठी अडचण होत आहे ती अडचण दुर करण्यासाठी मशीनने वापर करून शेतकऱ्यांना पाणी पोहचवा असेही सुचित कऱण्यात आले आहे.

या बैठकीला भीमा पाटबंधारे विभागाचे कार्यकारी अभियंता हरसुरे, उपकार्यकारी अभियंता इंगोले मॅडम,मीरा भाटकर विभागाचे उप अभियंता पासलकर, विविध विभागाचे कर्मचारी व पदाधिकारी कार्यकर्ते उपस्थित होते.

22/04/2025 पासून मंगळवेढा तालुक्यातील उन्हाळी हंगाम आवर्तन सुरु होणार असून मंगळवेढा तालुक्यातील लाभ क्षेत्रा तील मागेल त्या गरजू शेतकऱ्यांना पाणी द्या अशा सूचनाही आमदार समाधान आवताडे यांनी दिल्या.