[ad_1]
दिवाळीपूर्वी दहशतवादी हल्ल्याच्या धोक्याने देशभरातील सुरक्षा यंत्रणा सतर्क झाल्या आहेत. दिवाळीच्या मुहूर्तावर अयोध्येचे राम मंदिर, उज्जैनचे महाकाल मंदिर आणि तिरुपतीचे इस्कॉन मंदिरांवर दहशतवादी हल्ल्याच्या धमक्यापोलिसांना ईमेल आणि पत्रांद्वारे मिळत आहे. या धमकी नंतर मंदिरातील सुरक्षा व्यवस्था कडक करण्यात आली आहे.
अयोध्येत दोन दिवसांनी दीपोत्सव साजरा केला जाणार आहे, जिथे भगवान रामलला पहिल्यांदाच त्यांच्या घरी दिवाळी साजरी करणार आहेत. या सोहळ्यात सहभागी होण्यासाठी लाखो भाविक अयोध्येला पोहोचले आहेत.
मंदिरात येणाऱ्या प्रत्येक भाविकाची सुरक्षा अनेक स्तरांमध्ये तपासली जात आहे. सर्वात लहान संशयास्पद वस्तू जप्त केली जात आहे. सीसीटीव्हीच्या मदतीने मंदिरांच्या आत आणि बाहेर बारीक नजर ठेवली जात आहे.
पोलीस, पीएसी, यूपी एटीएस, यूपी एसटीएफ, स्पेशल कमांडो फोर्स आणि पॅरा मिलिटरी, आरएएफचे जवान अयोध्येच्या प्रत्येक कोपऱ्यात तैनात आहेत.
पोलिसांनी एका संशयिताला अटक केली असून त्याच्याकडे स्फोटके सापडली आहे. हे स्फोटके फटाके बनवण्यासाठी वापरले जातात.पोलिसांनी अयोध्येच्या सुरक्षेत आणखी वाढ केली असून विविध सुरक्षा दल तैनात केले आहेत.
तसेच उज्जैनच्या महाकाल मंदिराची सुरक्षा वाढवण्यात आली आहे. 30 ऑक्टोबर आणि 2 नोव्हेंबरला महाकाल मंदिर बॉम्बने उडवण्याचा इशारा देण्यात आला आहे, असे या पत्रात स्पष्टपणे नमूद करण्यात आले आहे.
या धमकीनंतर महाकाल मंदिराची सुरक्षा आणखी मजबूत करण्यात आली आहे. मंदिराभोवती सुरक्षा दलांचा बंदोबस्त वाढवण्यात आला असून, संभाव्य धोका वेळीच रोखता यावा यासाठी सर्व भाविकांची तपासणी केली जात आहे.कोणत्याही संशयास्पद हालचालींवर नजर ठेवण्यासाठी सुरक्षा यंत्रणा सक्रिय आहेत.
या व्यतिरिक्त तिरुपतीमधील इस्कॉन मंदिर उडवण्याच्या धमक्या मिळाल्या आहेत. ईमेल पाठवणाऱ्याने ISIS च्या दहशतवाद्यांचे नाव घेतल्याने सुरक्षा यंत्रणांमध्ये भीतीचे वातावरण निर्माण झाले आहे.
धमकी मिळाल्यानंतर तिरुपती पोलिसांनी तातडीने कारवाई करत मंदिराची झडती घेतली. तथापि, झडतीदरम्यान कोणतीही संशयास्पद वस्तू सापडली नाही, ज्यामुळे भाविकांच्या सुरक्षेबाबत काहीसा दिलासा मिळाला. असे असतानाही सुरक्षा व्यवस्था आणखी कडक करण्यात आली आहे.पोलिस आणि सुरक्षा दलांचे पथक मंदिराभोवती गस्त घालत आहेत.
Edited By – Priya Dixit
[ad_2]
Source link
Discover more from वृत्त भारती
Subscribe to get the latest posts sent to your email.
