दक्षिण 24 परगणा येथे मृतावस्थेत सापडलेल्या मुलीचे शवविच्छेदन पुन्हा होणार! कोलकाता उच्च न्यायालयाचे आदेश

[ad_1]

दक्षिण 24 परगणा, कोलकाता येथे मृतावस्थेत सापडलेल्या मुलीच्या मृतदेहाचे दुसरे शवविच्छेदन केले जाईल. मुलीच्या पालकांनी दाखल केलेल्या याचिकेवर सुनावणी करताना कोलकाता उच्च न्यायालयाने हे आदेश दिले आहेत. या प्रकरणाबाबत पश्चिम बंगालच्या मुख्यमंत्री ममता बॅनर्जी यांनी पोलिसांना पॉक्सो कायद्यांतर्गत गुन्हा नोंदवून दोषींना तीन महिन्यांत शिक्षा करण्याचे निर्देश दिले आहेत.

दक्षिण 24 परगणा जिल्ह्यात मुलीचे अपहरण करून तिची हत्या करून तिचा मृतदेह नाल्यात फेकून दिला होता. मुलीच्या कुटुंबीयांनी तिच्यावर सामूहिक बलात्कार आणि हत्येचा आरोप केला होता. याप्रकरणी पोलिसांनी एका आरोपीला अटक केली आहे. या प्रकरणी मुलीच्या पालकांनी कोलकाता उच्च न्यायालयात याचिका दाखल केली होती. यावर सुनावणी करताना न्यायालयाने  मुलीच्या मृतदेहाचे दुसरे शवविच्छेदन सोमवारी बरुईपूर न्यायालयाच्या अतिरिक्त मुख्य न्यायदंडाधिकारी (ACJM) यांच्या उपस्थितीत  एम्स रुग्णालयात करण्यात यावे, असे निर्देश दिले. 

कोलकात्याच्या एका वरिष्ठ अधिकाऱ्याने सांगितले की, शनिवारी दक्षिण 24 परगनामधील कुलताली येथे एका 10 वर्षीय मुलीचा मृतदेह सापडला. तिच्यावर बलात्कार करून तिची हत्या करण्यात आल्याचा आरोप आहे. यानंतर स्थानिक लोकांनी पोलीस चौकीला आग लावली आणि तिथे उभ्या असलेल्या वाहनांची तोडफोड केली.

Edited By – Priya Dixit 

[ad_2]

Source link