विधानपरिषद उपसभापती डॉ.नीलम गोर्हे यांनी अष्टविनायकांची पहाणी करून प्रलंबित प्रश्नांची पाठपुरावा करण्याचा केला संकल्प

विधानपरिषद उपसभापती डॉ.नीलम गोर्हे या मोरगावच्या श्री मयुरेश्वराच्या दर्शनास

अष्टविनायकांची पहाणी करून प्रलंबित प्रश्नांची पाठपुरावा करण्याचा केला संकल्प

मोरगाव पुणे /ज्ञानप्रवाह न्यूज,दि.१३: अष्टविनायकांपैकी श्री मयुरेश्वर मोरगाव,जि.पुणें यांचे दर्शन विधानपरिषद उपसभापती व शिवसेना नेता डॅा.निलम गोर्हे यांनी घेतले. यावेळी अथर्वशीर्ष व गणपतींची आरती म्हणुन संकल्पसिद्धी साठी श्रीफलांचे तोरण अर्पण करण्यात आले. तसेच देवस्थानास २१००० रुपयांचा चेक सुपुर्द करण्यात आला. यावेळी संस्थांच्या वतीने महावस्त्र व मयुरेश्वर यांची प्रतिमा देऊन डॉ.निलमताई गोर्हे यांचा सत्कार करण्यात आला.

यावेळी ना.नरेंद्र मोदी तिसऱ्या वेळी पंतप्रधान झाले व एनडीएचे सरकार निवडुन आले त्याबद्दल आभार मानले. यावेळी अष्टविनायकाच्या प्रत्येक देवस्थानांच्या विकासाच्या प्रलंबित प्रश्नांवर राज्यशासनाकडे पाठपुरावा करणार असल्याचा त्यांनी सांगितले.

यावेळी डॉ नीलमताईंची बहिण जेहलम जोशी व उपसभापती कार्यालयाचे अधिकारी अरविंद माळी, योगेश जाधव, प्रतिभा राऊत, सामाजिक कार्यकर्ते युवराज सुर्यवंशी, शिवसेना पुणें पदाधिकारी युवराज शिंगाडे , राजु तम्मा विटकर आदी उपस्थित होते .