[ad_1]
धरमवीर 2’ या बहुप्रतिक्षित चित्रपटाचा ट्रेलर नुकताच लाँच करण्यात आला आहे. ट्रेलर लॉन्चला अनेक सेलिब्रिटी उपस्थित होते. ट्रेलर रिलीज झाल्यानंतर आता हा चित्रपट वादाच्या भोवऱ्यात सापडल्याचे दिसत आहे. खरेतर, चित्रपटाचा ट्रेलर पाहिल्यानंतर शिवसेना नेते संजय राऊत यांनी रविवारी सांगितले की, शिवसेना नेते आनंद दिघे यांच्या जीवनावर आधारित 'धरमवीर 2' हा चित्रपटाचा दुसरा भाग राजकारणापासून प्रेरित असून या चित्रपटातुन धर्मवीर आनंद दिघे यांचा अपमान करण्यात आला आहे.
चित्रपटाचा पहिला भाग 2022 मध्ये प्रदर्शित झाला, जेव्हा एकनाथ शिंदे यांनी उद्धव ठाकरे यांच्या विरोधात शिवसेनेत बंड पुकारले आणि उद्धव ठाकरे यांच्या नेतृत्वाखालील आघाडी सरकार पाडून मुख्यमंत्री बनले. 'धरमवीर 2'चा ट्रेलर शनिवारी रिलीज झाला. पत्रकारांशी बोलताना संजय राऊत म्हणाले की, बेईमान लोक आनंद दिघे यांच्या नावाचा गैरवापर करून त्यांची राजकीय उद्दिष्टे साध्य करण्यासाठी आणि त्यांच्या विश्वासघाताला कायदेशीर मान्यता देत आहेत.
संजय राऊतांनी आरोप केले की, चित्रपटाच्या संवादातून आनंद दिघे यांना जबाबदार धरले आहे. ते म्हणाले की, चित्रपटाचा पहिला भाग आनंद दिघे यांच्या निधनाने संपला, तर दुसरा भाग कसा असेल? आगामी विधानसभा निवडणुका डोळ्यासमोर ठेवून हा चित्रपट प्रदर्शित होत असल्याचे त्यांनी सांगितले.
हा चित्रपट राजकीयदृष्ट्या प्रेरित असल्याचा दावा संजय राऊतांनी केला. हा चित्रपट बाळासाहेब ठाकरे आणि धर्मवीर आनंद दिघे यांचा अपमान करणारा आहे. असे ते म्हणाले.
Edited by – Priya Dixit
[ad_2]
Source link
Discover more from वृत्त भारती
Subscribe to get the latest posts sent to your email.
