[ad_1]
मुंबईतील ग्रँट रोड परिसरात शनिवारी सकाळी 11 वाजेच्या सुमारास एका जुन्या इमारतीच्या बाल्कनीचा भाग कोसळून अपघात झाला आहे. यात एका महिलेचा मृत्यू झाला असून तीन जण जखमी आहे.
या अपघातानंतर ढिगाऱ्याखाली काही जण अडकले असल्याची भीती व्यक्त केली जात आहे.
या इमारतीला म्हाडानं आधीच नोटिस बजावलेली होती अशी माहितीही समोर येत आहे. त्यामुळं या अपघातानंतर मुंबईतील जुन्या किंवा मोडकळीस आलेल्या इमारतींचा मुद्दा पुन्हा एकदा उपस्थित झाला आहे.
रुबिन्निसा मंझिल नावाची ही चार मजली इमारत आहे. ग्रँट रोड रेल्वे स्टेशन परिसरात असलेल्या या इमारतीचा काही भाग कोसळला आहे.
दुसऱ्या आणि तिसऱ्या मजल्याच्या बाल्कनीच्या स्लॅबचा भाग कोसळल्यामुळं हा अपघात घडल्याची प्राथमिक माहिती आहे.
इमारतीच्या चौथ्या मजल्यावर अपघातानंतर जवळपास 7-8 रहिवासी अडकल्याची माहितीदेखिल मिळाली आहे. वेगवेगळ्या संस्थांच्या माध्यमातून याठिकाणी मदतकार्य करण्याचं काम केलं जात आहे.
Published By- Priya Dixit
[ad_2]
Source link
Discover more from वृत्त भारती
Subscribe to get the latest posts sent to your email.
