कोलकाता येथील हॉटेलमध्ये आग, 14 जणांचा मृत्यू

[ad_1]

पश्चिम बंगालमधील कोलकाता येथील मेचुआपट्टी भागातील एका हॉटेलमध्ये मंगळवारी रात्री आग लागली. या अपघातात 14 जणांचा मृत्यू झाला. तर, इतर अनेक जण जखमी झाले. माहिती मिळताच अग्निशमन दलाच्या गाड्या पोहोचल्या आणि आगीवर नियंत्रण मिळवले. 

ALSO READ: ५ वर्षाच्या मुलाची निर्घृण हत्या, हातपाय तोडून मृतदेह शेतात फेकून दिला

कोलकाता पोलिस आयुक्त मनोज कुमार वर्मा यांनी सांगितले की, रात्री 8:15 वाजता ऋतुराज हॉटेलच्या आवारात आग लागली, ज्यामुळे बुर्राबाजारच्या गर्दीच्या परिसरात घबराट पसरली. इमारतीच्या खिडक्या आणि अरुंद भिंतींमधून अनेक लोक पळून जाण्याचा प्रयत्न करताना दिसले.

यादरम्यान, चौथ्या मजल्यावरून उडी मारण्याचा प्रयत्न करताना अनेक जण जखमी झाले. त्यांनी सांगितले की 14 मृतदेह बाहेर काढण्यात आले आहेत आणि पथकांनी अनेक लोकांना वाचवले आहे. आग आटोक्यात आणण्यात आली आहे आणि बचावकार्य अजूनही सुरू असल्याचे त्यांनी सांगितले. पुढील तपास सुरू आहे. तपासासाठी एक विशेष पथकही तयार करण्यात आले आहे. आगीचे कारण अद्याप कळू शकलेले नाही, असे त्यांनी सांगितले. मात्र, ही आग शॉर्ट सर्किटमुळे लागल्याचा संशय त्यांनी व्यक्त केला आहे. 

ALSO READ: विरोधी नेत्यांच्या वादग्रस्त विधानांचा महाराष्ट्राच्या राज्यपालांकडून निषेध

माहिती मिळताच अग्निशमन दलाच्या 10 गाड्या घटनास्थळी पोहोचल्या आणि आगीवर नियंत्रण मिळवले. मात्र, गर्दीचा परिसर असल्याने अग्निशमन दलाच्या गाड्यांना तिथे पोहोचण्यात अडचणी येत होत्या आणि कर्मचाऱ्यांनाही अडचणींचा सामना करावा लागला. 

ALSO READ: २७ वर्षीय विवाहित महिलेची आत्महत्या, मांडीवर सुसाईड नोट लिहिलेली आढळली

कोलकाताचे महापौर फिरहाद हकीम आणि पोलिस आयुक्त मनोज वर्मा यांनी घटनास्थळी भेट दिली. तसेच, प्रदेश भाजप अध्यक्ष सुकांता मजुमदार यांनी त्या व्यक्तीच्या मृत्यूबद्दल शोक व्यक्त केला. त्यांनी इंस्टाग्रामवर पोस्ट केले की, 'कोलकात्यातील बुर्राबाजार येथील मेचुआ भागातील एका हॉटेलमध्ये लागलेल्या भीषण आगीत 14 जणांचा मृत्यू झाल्याने मला खूप दुःख झाले आहे. भविष्यात अशा दुःखद घटना टाळण्यासाठी अग्निसुरक्षा उपायांचा सखोल आढावा आणि अधिक कडक देखरेख करण्याची मी विनंती करतो.

Edited By – Priya Dixit   

[ad_2]

Source link