LSG vs DC : दिल्ली कॅपिटल्सने लखनौला आठ विकेट्सने हरवले

[ad_1]

केएल राहुल आणि अभिषेक पोरेल यांच्या अर्धशतकांच्या जोरावर दिल्ली कॅपिटल्सने लखनौ सुपर जायंट्सचा आठ विकेट्सने पराभव केला. एडन मार्करामच्या अर्धशतकाच्या जोरावर लखनौने 20 षटकांत सहा गडी गमावून 159 धावा केल्या, प्रत्युत्तरात दिल्लीने 17.5 षटकांत दोन गडी गमावून 161 धावा करून सामना जिंकला.

ALSO READ: बीसीसीआयने सेंट्रल कॉन्ट्रॅक्ट जाहीर केला,टीम इंडियाच्या खेळाडूंची लागली लॉटरी
दिल्लीकडून राहुलने 42 चेंडूत तीन चौकार आणि तीन षटकारांसह नाबाद 57 धावा केल्या, तर पोरेलने 36 चेंडूत पाच चौकार आणि एका षटकारासह 51 धावा केल्या. या हंगामात दिल्लीने लखनौविरुद्धचे दोन्ही सामने जिंकले. 

यासह राहुलने आयपीएलमध्ये 5000 धावा पूर्ण केल्या. तो सर्वात कमी डावांमध्ये असे करणारा फलंदाज बनला आहे. राहुलने 130 डावांमध्ये डेव्हिड वॉर्नरला मागे टाकत ही कामगिरी केली. वॉर्नरने आयपीएलमध्ये 135डावांमध्ये 5000 धावा पूर्ण केल्या. लक्ष्याचा पाठलाग करताना, दिल्लीला सुरुवातीलाच करुण नायरच्या रूपात धक्का बसला. त्याने नऊ चेंडूत दोन चौकार आणि एका षटकारासह 15 धावा काढल्या आणि बाद झाला. यानंतर, राहुल आणि पोरेल यांनी दिल्लीचा डाव पुढे नेला आणि दुसऱ्या विकेटसाठी69 धावांची भागीदारी केली. 

ALSO READ: ऑगस्टमध्ये 3 एकदिवसीय आणि टी-20 सामने खेळण्यासाठी टीम इंडिया बांगलादेशचा दौरा करणार

यादरम्यान, पोरेलने या हंगामातील पहिले अर्धशतक झळकावले. तथापि, अर्धशतक केल्यानंतर, तो जास्त काळ क्रीजवर राहू शकला नाही आणि मार्करामने त्याला डेव्हिड मिलरकडे झेलबाद केले आणि पॅव्हेलियनमध्ये परत पाठवले. त्यानंतर कर्णधार अक्षर पटेल क्रीजवर आला आणि त्याने राहुलसोबत भागीदारी रचली.

ALSO READ: धोनी ठरले सामन्यातील सर्वात वयस्कर खेळाडू,43 व्या वर्षी सामनावीराचा पुरस्कार जिंकला
राहुल आणि अक्षरने गीअर्स बदलले आणि वेगाने खेळायला सुरुवात केली. राहुलने 40 चेंडूत आपले अर्धशतक पूर्ण केले आणि त्यानंतर प्रिन्स यादवच्या चेंडूवर षटकार मारून संघाला विजय मिळवून दिला. दिल्लीकडून अक्षर पटेलने 20 चेंडूंत एका चौकार आणि चार षटकारांसह 34 धावा काढत नाबाद राहिला. राहुल आणि अक्षर यांनी तिसऱ्या विकेटसाठी 56 धावांची नाबाद भागीदारी केली. लखनौकडून मार्करामने दोन्ही विकेट घेतल्या. 

Edited By – Priya Dixit 

[ad_2]

Source link