Terrorist attack in Pahalgam: जम्मू-काश्मीरच्या पहलगाममध्ये दहशतवादी हल्ल्यात २७ जणांचा मृत्यू, नाव विचारल्यानंतर गोळीबार

[ad_1]

Jammu and Kashmir News: दक्षिण काश्मीरमधील अनंतनाग जिल्ह्यातील पहलगामजवळील बैसरन येथे पर्यटकांवर झालेल्या भीषण दहशतवादी हल्ल्यात किमान २७ जणांचा मृत्यू झाला आणि अनेक जण गंभीर जखमी झाले. आज सकाळी झालेल्या या हल्ल्याने संपूर्ण देश हादरला आहे, त्यानंतर अधिकाऱ्यांनी परिस्थिती नियंत्रणात आणण्यासाठी तातडीने पावले उचलली आहे. 

ALSO READ: जम्मू आणि काश्मीरमधील दहशतवादी हल्ल्याबद्दल पंतप्रधान मोदींचे ट्विट, दोषींना सोडले जाणार नाही

मिळालेल्या माहितीनुसार हल्ल्यात २७ लोक ठार झाले, त्यापैकी बहुतेक पर्यटक होते. तसेच माहिती समोर आली आहे की, या हल्ल्यात जखमी झालेले सुमारे २० जण गुजरात, महाराष्ट्र, कर्नाटक, तामिळनाडू आणि ओडिशातील आहे.

ALSO READ: Terror attack in Pahalgam अमित शहा यांनी बोलावली उच्चस्तरीय बैठक, काश्मीरला भेट देणार

नाव विचारल्यानंतर गोळीबार झाला

जम्मू आणि काश्मीरमधील पहलगाम येथे झालेल्या दहशतवादी हल्ल्यात जखमी झालेल्या लोकांनी एका वृत्तवाहिनीला सांगितले की, दहशतवाद्यांच्या एका गटाने पिकनिक दरम्यान मॅगी खाणाऱ्या पर्यटकांवर गोळीबार केला. पर्यटकाचे नाव विचारून दहशतवाद्यांनी त्यांची क्रूरता दाखवली. जखमींनी आणि घटनास्थळी उपस्थित असलेल्या लोकांनी कॅमेऱ्यासमोर सांगितले आहे की, दहशतवाद्यांनी प्रथम पर्यटकांना त्यांची नावे विचारली आणि हिंदू नाव ऐकल्यानंतर त्यांनी त्यांच्यावर गोळ्या झाडल्या.

या दुर्घटनेला प्रतिसाद म्हणून, सुरक्षा दलांनी आजूबाजूच्या वनक्षेत्रात मोठ्या प्रमाणात शोध मोहीम सुरू केली आहे, उच्चस्तरीय प्रशासकीय अधिकारी आधीच घटनास्थळी उपस्थित आहे. या हल्ल्याचा मोठ्या प्रमाणात निषेध करण्यात आला आहे आणि त्याचा परिणाम काश्मीरच्या पर्यटन उद्योगावरही झाला आहे, जिथे अलिकडेच पर्यटकांच्या संख्येत वाढ झाली होती.

Edited By- Dhanashri Naik 

[ad_2]

Source link