13 वर्षांच्या अल्पवयीन मुलीवर बलात्कार, चार अल्पवयीन मुलांसह 8 जणांना अटक

[ad_1]

देशातील बलात्काराच्या घटनांबाबत केंद्र सरकारला लवकरच ठोस पावले उचलावी लागतील. सिक्कीममध्ये एका 13 वर्षांच्या मुलीवर अनेक महिने बलात्कार झाल्याची घटना समोर आली आहे. ग्यालशिंग जिल्ह्यात, 8 आरोपींनी एका किशोरवयीन मुलीला अनेक महिने धमकी देऊन तिच्यावर बलात्कार करण्याचे लज्जास्पद कृत्य घडले आहे. 

ALSO READ: खाटू श्यामला जाणाऱ्या कुटुंबाची कार ट्रेलरला धडकून अपघातात कुटुंबातील पाच जणांचा जागीच मृत्यू

चौकशीदरम्यान अटक केलेल्या आरोपींपैकी चार अल्पवयीन असल्याचे उघड आले आहेत.बाल कल्याण समितीने दाखल केलेल्या तक्रारीनंतर, पोलिसांनी कारवाई केली आणि आठही आरोपींना अटक केली.

पोलिसांनी दिलेल्या माहितीनुसार, पीडित विद्यार्थिनी वर्गात आजारी दिसल्यावर तिचे समुपदेशन करण्यात आले त्यात हे प्रकरण उघडकीस आले.पीडित मुलीने सांगितले की, तिच्या परिसरातील राहणाऱ्या एका महिलेने तिला कामात मदत करण्याच्या बहाण्याने तिच्या घरी बोलावले नंतर तिच्या घरी वारंवार येऊ लागली.

ALSO READ: तहव्वुर राणा मुंबईसारख्या इतर शहरांमध्ये हल्ल्यांचा कट रचत असल्याचा एनआयएचा दावा
दरम्यान महिलेने मुलीला तिच्या पतीशी शारीरिक संबंध करण्यास बाध्य केले. या कृत्यात महिलेचा पती देखील सहभागी होता.नंतर त्यांनी आणखी दोन पुरुषांना आणून तिच्यावर बलात्कार केला आणि काही पैसे देऊन तोंड बंद करण्यास सांगितले.

ALSO READ: न्यायालयाने शिक्षकाला बलात्काराच्या आरोपाखाली १८७ वर्षांची शिक्षा देत ९ लाखांचा दंड ठोठावला
तिने सांगितले की, तिच्यावर बलात्कार करण्यात चार अल्पवयीन मुलेही सहभागी होती. पीडितेने पोलिसांना त्यांची नावेही सांगितली. पोलिसांनी आरोपी महिला आणि तिच्या पतीसह दोन पुरुषांना अटक केली आहे आणि इतर चार अल्पवयीन मुलांनाही ताब्यात घेतले आहे. मुलीला सध्या बाल कल्याण समितीकडे सोपवण्यात आले आहे जिथे तिच्यावर उपचार सुरू आहेत. पोलिसांनी दिलेल्या माहितीनुसार, भारतीय न्यायिक संहिता आणि POCSO कायद्याच्या विविध कलमांखाली गुन्हा दाखल करण्यात आला आहे.

Edited By – Priya Dixit 

[ad_2]

Source link