नागपूरमध्ये लाच घेतांना महिला पोलीस अधिकारीला एसीबीने रंगेहात पकडले

[ad_1]

Nagpur News : लाचलुचपत प्रतिबंधक विभागाच्या पथकाने एका महिला पोलिस अधिकाऱ्याला 30 हजार रुपयांची लाच घेताना रंगेहाथ अटक केली. 24 तासांत पोलिस अधिकाऱ्यांनी लाच घेतल्याची ही दुसरी घटना आहे.

ALSO READ: नाशिकमध्ये इनोव्हा कारने एका लहान मुलाला चिरडले, पोटच्या गोळ्याला मृत पाहून आई पडली बेशुद्ध

मिळालेल्या माहितीनुसार चोरीच्या गुन्ह्यातील आरोप टाळण्यासाठी 30,000रुपयांची लाच घेताना लाचलुचपत प्रतिबंधक विभागाच्या पथकाने एका महिला पोलिस अधिकाऱ्याला रंगेहाथ अटक केली. लाच घेणाऱ्या महिला पोलिस अधिकाऱ्याचे नाव ज्योत्स्ना प्रभू गिरीआहे. 24 तासांत पोलिस अधिकाऱ्यांनी लाच घेतल्याची ही दुसरी घटना आहे. या घटनेमुळे पोलिस विभागात खळबळ उडाली आहे.

ALSO READ: आरबीआयच्या चलनविषयक धोरणात मोठी घोषणा, ५ वर्षांनी रेपो दरात कपात

तसेच आरोपी महिला अधिकारी बुटीबोरी एमआयडीसी पोलिस स्टेशनमध्ये पोलिस उपनिरीक्षक म्हणून तैनात आहे आणि ती गुन्हे शोध पथकाची प्रमुख आहे. 26 वर्षीय तक्रारदार बुटीबोरी परिसरात राहतो. एमआयडीसी बोरी पोलिसांनी त्याच्या मित्राला चोरीच्या गुन्ह्यात अटक केली होती. या प्रकरणाच्या तपासाची जबाबदारी ज्योत्स्ना यांच्यावर होती. पोलिसांना तक्रारदाराचा मोबाईल नंबर त्याच्या मित्राच्या मोबाईल फोनवर सापडला. म्हणून ज्योत्स्नाने तक्रारदाराला चौकशीसाठी पोलिस स्टेशनमध्ये बोलावले.
 
चौकशीदरम्यान त्याचा मोबाईल फोन हिसकावून घेण्यात आला. त्याला चोरीच्या आरोपात अडकवण्याची धमकी देण्यात आली. त्याच्यावर खोटे आरोप दाखल करून त्याला तुरुंगात पाठवण्याची तयारी सुरू झाली. यामुळे तक्रार करणारा तरुण घाबरला. गुन्ह्यात आरोपी न करण्यासाठी ज्योत्स्नाने तक्रारदाराकडून 1 लाख रुपयांची लाच मागितली होती. तडजोड झाल्यानंतर, तिने 30,000रुपये घेण्याचे मान्य केले. तर तरुणाने ज्योत्स्ना विरोधात एसीबीमध्ये तक्रार दाखल केली. तक्रारीची चौकशी केल्यानंतर, ज्योत्स्नाला रंगेहाथ पकडण्यासाठी सापळा रचण्यात आला. गुरुवारी संध्याकाळी ज्योत्स्नाने तक्रारदाराकडून तिच्या खोलीत 30,000रुपयांची लाच घेताच, एसीबीच्या पथकाने तिला रंगेहाथ पकडले. आता पुढील चौकशी असू असल्याची माहिती समोर आली आहे.  

Edited By- Dhanashri Naik

[ad_2]

Source link